業餘咖啡人測試報告﹣第四回 Maily from Vietnam

自從有咗咖啡機之後，不時都收到啲好友“人情”：來自各地嘅咖啡粉或者咖啡豆．盛蒙大家比面，通常都會作個測試小報告．今次收到嘅係來自越南嘅 Maily Dac biet,Chuyen kinh doanh si & le cac loai Cafe noi tieng nhat hien nay....總之係越南咖啡啦！

 睇落都幾像樣，懷住少少興奮嘅也情打開．．．
 “大鑊”有油！

而且係好油添．（註：有油代表唔新鮮，炒豆已有一段時間，咖啡味可能已流失及起變化．）但係有啲可可口味散發出嚟，都幾香；加上係“人情”，雖然知到後果嚴重，結果都係放咗入磨豆機．部機係好辛苦嘅情況之下完成任務（因為隻豆好硬），磨完有啲燶味，過後又回復可可香．見無咩嘢發生，就繼續放入沖煮頭．

由於係越南口味，唸住會苦澀啲，所以已經磨粗少少，用少啲粉，沖煮時間又少啲．OK! done!

 
意料之外地有Crema, 又意料之內地好黑．仍然散發住輕微嘅可可口香．飲落。。。無咩嘢發生，即係無咩咖啡味．好有越南feel :P

好！決定完成埋佢，係咁意打啲泡，voil'a!

越南風味晨光咖啡，請慢用：）味道？無咩嘢發生，不過都係嗰句：多謝！

後記：玩咗 ５分鐘，洗機洗咗２０分鐘